ليش بس في الكويت

ليش بس في الكويت الحكومه ما تبني البلد و ولا عندها خطة تنميه .
ليش بس في الكويت كل الناس تتحلطم .
ليش بس في الكويت الواحد في السياره ما يقدر يمشي على الحاره اليسار حتى لو كان متقيد بحدود السرعه 120 لازم يكون في واحد وراه يتركله و اذا ما وخر يا ويله مع ان حدود السرعه 120 كم .
ليش بس في الكويت انساعد الدول الي تكرهنا و تتمنى زوالنا و كل ما اكرهونا اكثر عطيناهم اكثر و كل ما سبونا اكثر زدناهم تبرعات اكثر ليش ؟
ليش بس في الكويت اذا احد سوا مشروع يديد ناجح بعد فتره تلاقي الاف سوو نفس الفكره و نفس المشروع ؟ ماكو ابداع ولا محد عنده افكار ؟؟!
ليش بس في الكويت اذا زادت الاسعار لأن النفط زاد سعره و لما ينزل سعر النفط ثلاث مرات عن السابق ما تنزل الاسعار مره ثانيه ؟
ليش بس في الكويت اذا انت موظف ما تقدر تفتح ترخيص تجاري او تتوظف بوظيفه ثانيه عشان اتساعد نفسك و اسرتك و اتزيد دخلك ؟
ليش بس في الكويت اذا بغيت اتكمل دراستك ما تقدر الا انك تتشرد في الكره الارضيه لا و يمكن ما يعترفون بشهادتك بعد ليش ما اتوفر الحكومه جامعات بدال التشرد الي عايشين فيه ابنائنا ؟
ليش بس في الكويت اذا الواحد راح يخلص معامله كأنه يطر من الموظف ؟


اتهقون ليش ؟
اما ان احنا شعوب مو كفو نعمه اويمكن ما عندنا وعي او ان احنا جهله و محتاجين نتعلم ثقافة الحياة الكريمه او يمكن احنا اي شي يصير لنا حتى لو كان يضرنا ما انعرف نعترض و انقول لا كافي؟؟؟
والله ما ادري انتوا ابخص .